Удахгүй болох шинэ жилийн баяртайгаар холбоотойгоор мөсөн байгууламжийг Төв талбайд босгож эхэлсэн.

Үүнийг иргэд янз бүрээр хүлээн авч байгаа. Цар тахлын үед татвар төлөгчдийн мөнгөөр мөсөн хотхон барих гэлээ хэмээн шүүмжлэгсэд байхад нийтээрээ тэмдэглэхгүй ч гэлээ хотоо чимэглэх юуны буруу байх вэ.

Халдварт өвчин гарлаа гээд харанхуй бүүдгэр байж болохгүй гэх хүмүүс ч байна. Харин Төв талбайд босч буй мөсөн байгууламжийн талаар Нийслэлийн Засаг даргын орлогч Ж.Сандагсүрэн “Энэтхэгийн Элчин сайдын яамнаас Энэтхэг-Монголын хооронд дипломат харилцаа тогтоосны ойд зориулж, Төв талбай дээр Энэтхэгийн түүх соёлыг сурталчлах хүсэлтийг НЗДТГ-т тавьсан.

Энэ дагуу зөвшөөрч, мөсөн байгууламжийг байгуулах ажлыг эхлүүлээд сар болж байна. Төсвийг нь татвар төлөгчдийн бус Энэтхэгийг тал гаргаж байгаа” гэв.

У.Тэргэл