Эрүүл мэндийн яамнаас шинэ төрлийн коронавирусний халдварын талаарх ээлжит мэдээллийг хийж байна. 

ХӨСҮТ-ийн Тандалт судлалын албаны дарга А.Амбасэлмаа "2020 оны арванхоёрдугаар сарын 22-ны өглөөний 11 цагийн мэдээллээс хойш ХӨСҮТ-ийн вирус судлалын  лаборатори, ЗӨСҮТ-ийн вирус судлалын явуулын лабораторид нийт 4134 хүнд PCR шинжилгээ хийхэд 57 хүнээс коронавирус илэрлээ. Тодруулбал, 55 тохиолдол нь Баянзүрх нэгдсэн эмнэлгийн голомтоос халдвар илэрлээ. Үүний 33 өвчтөн, 9 сахиур, эмнэлгээс гарсан нэг хүн, хоёр нь гэр бүлийн хүн, эмнэлгийн захиргааны ажилтан нэг хүнээс халдвар илэрсэн. Мөн Сэлэнгэ аймагт нэг, Цэргийн төв эмнэлгийн ажилтан нэг хүнээс халдвар илэрлээ. 

Улаанбаатарт бүртгэгдсэн 274 тохиолдол боллоо. 

Харин , Дорноговь, Дархан-Уул, Орхон, Говьсүмбэр, Архангай аймагт сүүлийн 24 цагт халдвар нэмж бүртгэгдээгүй. Дотоодын халдварын нийт тоо 600 боллоо. Харин Монгол Улсад бүртгэгдсэн нийт халдварын тоо 1063 болсон. Үүнээс 541 нь эдгэрсэн. Өнөөдрийн байдлаар эмчилгээнд байгаа 513 хүний биеийн байдлыг үнэлбэл, маш хүнд нэг, хүнд зургаа, хүндэвтэр 40, хөнгөн 416 байна" гэв. 

Б.Баатар