Эрүүл мэндийн яамны "хөдөлгөөн" хуулийн дагуу юу, хувь хүний амбиц уу

2020-12-25

Коронавирусний цар тахалтай зэрэгцэн эрүүл мэндийн салбарынхан бужигнаад эхэлсэн. Тэгвэл өдгөө Эрүүл мэндийн яамны халаа сэлгээний асуудал дахин анхаарал татаж эхлэв.

ЭМЯ-ны 20 гаруй хүнийг ажлаас нь чөлөөлж, хоморголон халж байгаа тухай мэдээлэл газар аваад буй. Тухайлбал, ЭМЯ-ны Шуурхай удирдлагын хэлтсийн дарга Д.Нарангэрэл, Эмнэлгийн тусламж үйлчилгээний газрын дарга Я.Буянжаргал нарын дөрвөн даргыг ажлаас нь чөлөөлсөн гэдгийг эх сурвалж мэдээлсэн.

Тэгвэл энэ талаар Эрүүл мэндийн яамны Төрийн захиргаа, удирдлагын газрын дарга П.Эрхэмбулган "Эрүүл мэндийн яамны Төрийн нарийн бичгийн даргын 2020 оны 12-р сарын 22-ны өдөр баталсан тушаалаар

яамны нийт албан хаагчдыг 2020 оны 12 сарын 25-ны өдрөөр ажлаас чөлөөлж, тэр дор нь нийт албан хаагч нарыг яамны шинэ бүтцийн дагуу байршуулан томилох ажил явагдаж байна.

Шинэ бүтцийн дагуу ажлын байрны чиг үүргээ шинэчлэн батлах, албан хаагчдыг байршуулан томилох үйл ажиллагааг түр зогсоож, төрийн албаны тасралтгүй байдлыг хангах, цар тахлын эсрэг арга хэмжээг шуурхай удирдан зохион байгуулах арга хэмжээг цаг алдалгүй явуулах үүднээс Эрүүл мэндийн яам албан хаагч нараа хуучин бүтцээр нь ажиллуулсан. Нийт албан хаагч нарыг чөлөөлж байж, дараагийн шинэ бүтцээр нийтээр нь байршуулан томилдог процессийн үйл ажиллагааг эхлүүлээд байна" хэмээн тайлбарлав.

Ямартай Эрүүл мэндийн яаманд ажлаас чөлөөлөх, шинээр томилох ажил өрнөж байгаа бололтой. Харин энэ нь хуулийн дагуу юу, эсвэл хэн нэгний амбиц уу гэдэг нь удахгүй олон нийтэд ил болох байх.

Б.Баатар

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (4)

Зочин (202.9.46.88)

7. Нийтийн эрүүл мэндийн тусламжийн бодлого, хэрэгжилтийг зохицуулах газрын хэлтсийн дарга, Э.Золжаргал, ГССҮТ-д хамт ажиллаж байсан Т.Мөнхсайханы найзын эхнэр, гэр бүлийн найз, 8. Нийтийн эрүүл мэндийн тусламжийн бодлого, хэрэгжилтийг зохицуулах газрын хэлтсийн дарга, Батдорж, Э.Золжаргалын нэг ангийн найз, 9. Аудитын хэлтсийн дарга, Мөнхцэцэг, ГССҮТ-ийн хамт ажиллаж байсан Т.Мөнхсайханы найзын эхнэр, 10. Эмийн асуудал хариуцсан мэргэжилтэн, Наранбаатар, "Буриад Омбол" ХХК-ний захирлын хүү, 11. Санхүүгийн хэлтсийн мэргэжилтэн, Сүхдарь, Дэд сайд Ш.Анхмаагийн дүү, 12. Санхүүгийн хэлтсийн мэргэжилтэн, Амаржаргал, Сангийн яамны Зарлагын хэлтсийн дарга Санжаадоржийн дүү, 13. Нийтийн эрүүл мэндийн тусламжийн бодлого, хэрэгжилтийг зохицуулах газарт мэргэжилтэн, Жаргал, Хилийн мэргэжлийн хяналтын газарт ажиллаж байсан 14. Эмнэлгийн тусламжийн бодлого, хэрэгжилтийг зохицуулах газрын Уламжлалтын хэлтсийн мэргэжилтэн, Жавзандулам, ХХААХҮЯ-ны Төрийн нарийн бичгийн даргын дүү, 15. ЭМЯ-ны Төрийн нарийн бичгийн дарга Я. Амаржаргал нь өөрийн туслах, жолооч зэрэг хүмүүсийг албан тушаалаа ашиглан төрийн албан хаагчийн шаардлага хангаагүй хүмүүсийг төрийн жинхэнэ албан хаагч болгон дэвшүүлсэн байна.

2021 оны 12 сарын 28 | Хариулах
Зочин (202.9.46.88)

Яам бүтцийн байршуулалтын тушаалаа одоо болтол нийтэд сонсгож уншаагүй ч одоогоор шинэ албан тушаал авсан 26 даргын нэрсийг тодруулбал ийм байна. Эдгээр 26 хүн нь Т.Мөнхсайхан сайдын ойрын танил тал, найз нөхөд, тэдний гэр бүлийн хүмүүс буюу хамаарал бүхий хүмүүс байгаа юм. Тухайлбал, 1. Ерөнхий эрүүл ахуйч, А. Бүзмаа 71 настай. Т.Мөнхсайхан сайдын найзын ээж, 2. Эрүүл мэндийн даатгалын хэлтсийн дарга, Б.Цолмон. Улсын 2 дугаар төв эмнэлгийн даргаар саяхан томилогдсон Энхболдын эхнэр, Т.Мөнхсайхан сайдтай нэг анги, 3. Хяналт-шинжилгээ, үнэлгээний газрын дарга, Д.Ганцэцэг, МХЕГ-ын дарга Гантулгын ойрын хүн, Т.Мөнхсайхан сайдын эхнэртэй нэг анги, 4. Төрийн захиргааны удирдлагын газрын дарга, П.Эрхэмбулган, Сайд Т.Мөнхсайханы зөвлөх (сайдын магистрын болон докторын ажлын удирдагч, тезисийг нь бичиж өгч байгаа) оруулсан, 5. Эмнэлгийн тусламжийн бодлого, хэрэгжилтийг зохицуулах газрын хэлтсийн дарга, Энхцолмон, ЭХЭМҮТ-ийн эмч байсан, Т.Мөнхсайханы нэг ангийн найз, 6. Яамны харьяа байгууллагын төсвийн зохицуулалт хариуцсан мэргэжилтэн Батчимэг, ГССҮТ-д ажиллаж байсан, Т.Мөнхсайханы нэг ангийн найз,

2021 оны 12 сарын 28 | Хариулах
ub irged (66.181.161.11)

naad gulug tsarailsan saidaa hurdan hal. ES neg ch huniig halj bolohgui gesen

2020 оны 12 сарын 25 | Хариулах
Зочин (64.119.22.70)

Төрийн жинхэнэ албан хаагч нарыг сэлгэн байршуулах нэрийн дор яамнаас халж, оронд төрийн албаны шалгалт өгч үзээгүй ах дүү, танил талын хүүхэд, найз нараа яаманд ажиллуулах төлөвлөгөөтэй байжээ. Энэ нь Монгол Улсын Төрийн албаны тухай хуулийг илт зөрчиж байгаа бүдүүлэг үйлдэл юм.

2020 оны 12 сарын 25 | Хариулах