Эмнэлгийн эмчилгээ, тусламж үйлчилгээний талаар ЭМЯ-ны ЭТГ-ын дарга Я.Буянжаргал мэдээлэл өглөө.
ХӨСҮТ-д өнөөдөр 22 хүн коронавируст халдварын батлагдсан оноштойгоор эмчлэгдэж байна. Өглөө 08:20 цагт 30 настай эх амаржиж 3200 гр хүү мэндэлсэн. Эх, хүүхдийн биеийн байдал хэвийн байна.
ХӨСҮТ-д 25 настай жирэмсэн эмэгтэй маш хүнд оноштой байна. Тухайн хүнд халдварын эсрэг эмчилгээ, ураг хамгаалах эмчилгээ хийж байна. Хоёр эмч зургаан эрүүл мэндийн тусламж үйлчилгээ үзүүлж байна.
Мөн Цэргийн төв эмнэлэгт маш хүнд хоёр хүн байна. Маш хүнд хүний нэг нь 51 настай, ковидын халдвар нь эмчлэгдэж эдгэсэн, PCR-ийн шинжилгээ хоёр удаа сөрөг гарсан. Үндсэн оношоороо хүндэрч байна. Зүрхний шигдээстэй, тархины судасны хатууралтай, цочмог инфаркттай гэсэн оноштойгоор Улсын 3-р төв эмнэлэгтэй хамтарч ангиографийн оношилгоо эмчилгээ хийхээр зохион байгуулж байна.
Мөн дараагийн хүнд хүн 53 настай эмэгтэй. Зүрхний хэм алдагдалтай, чихрийн шижинтэй, уушигний өвчтэй, плевриттэй. Эмнэлзүйн зөвлөх эмч нараас зөвлөгөө авч, эмчилгээ хийж байгаа.
Баянзүрх дүүргийн эмнэлэгт 194 хүн байгаа. 102 нь эмч эмнэлгийн ажилтнууд бусад нь өвчтөнүүд байна. Үндсэн өвчнөөр 16 хүн эмчлэгдэж байна. Нэг хүнд өвчтэй 76 настай хүн өчигдөр энэ эмнэлэгт нас барсан. Уг хүн цээжний булчингийн сулрах өвчинтэй, амьсгал зүрх судасны даамжирсан дутагталтай, артерийн даралттай, чихрийн шижинтэй, элэгний С вирусний архаг үрэвсэлтэй, зүрх судасны дутагдлаар нас барсан. Дагалдах онош нь ковидын халдвартай байсан. Хүнд өвчтэй учраас шилжүүлэх боломжгүй байсан.
Сонгинохайрхан дүүргийн нэгдсэн эмнэлэгт нийт 23 хүүхэд, 25 сахиур эмнэлгийн тусламж үйлчилгээ авч байгаа.
Хавдар судлалын үндэсний төвд 277 эмч, эмнэлгийн ажилтан, 201 өвчтөн, 44 сахиур тусгаарлагдаж байна. Үүнээс таван хүн хүнд, нэг хүн маш хүнд байгаа.
Хавдар судлалын үндэсний төвд эмнэлгийн тусламж хэвийн явагдаж байгаа. Өчигдөр гурван мэс засал хийсэн. Гаднаас эмч авах шаардлагагүй. Эмч нар нь дотроо тусламж үзүүлж байна. Зайлшгүй тусламж шаардлагатай иргэдэд үзүүлэх эмнэлгүүд бэлэн байгаа. Харин туяа эмчилгээний тусламжийг шилжүүлэх боломжгүй. Урсгалыг өөрчлөөд тусламж үйлчилгээг үзүүлэх болможтой. Тасарсан эм, эмнэлгийн хэрэгсэл байхгүй.
Улаанбаатар хотод коронавируснийн халдварын үед ашиглах 9300, орон нутагт 4660 ор аймгуудад бэлэн байна. Эмнэлгийн хэмжээнд тандалтыг тогтмол хийж байгаа" гэв.
Б.Баатар
