"ЮБИКАБ" ХХК таксины төлбөрийг 1км нь 800 төгрөг болгон бууруулж, UbCABPlus цэсийг унтраах шийдвэр гаргажээ.

Тус компанийн зүгээс "Улаанбаатар хотод бүх нийтийн хөл хорио тогтоож зөвхөн зөвшөөрөгдөх 15 үйлчилгээний байгууллагын ажилчид QR зөвшөөрөлтэйгээр хөдөлгөөнд оролцож эхэлсэн нь манай аппликейшнд асар өндөр эрэлт үүсгэж жолооч нар зөвхөн замын ачаалалтай үед такси дуудах зориулалттай плас дуудлагаар л ирсэн дуудлагыг сонгох буюу зөвхөн илүү мөнгө санал болгосон үйлчлүүлэгч нарт л үйлчилгээ үзүүлэх сөрөг үр дагавар бий болгож байна.

Ковид-19 цар тахлын ачаалалтай үед хэрэглэгчийн сонголтоор ажилладаг плас цэсийг идэвхигүй болгож байгааг мэдэгдэж байна" гэжээ.

Мөн компанийн зүгээс нийгмийн хариуцлагын хүрээнд Нийслэлийн нийтийн тээврийн газраас тогтоож өгсөн эхний км 1500 төгрөг дараагийн км 1000 төгрөг тарифыг бүх нийтийн хөл хорионы үед 800₮ төгрөг болгон бууруулаад байна.