Дэлхий дахинд халдварын тархалтын эрч өндөр хэвээр байна. Өдөрт 200-600 мянган хүн шинээр халдвар авч байна. 

Манай улстай хоёр хөрш улсын хувьд тухайлбал, БНХАУ-д өнгөрсөн амралтын өдрүүдэд Бээжин хотод 93 тохиолдол нэмэгдээд байна. Улмаар олон нийтийн арга хэмжээг хорьж, худалдаа, үйлчилгээний байгууллагынхаа ажиллах цагийг богиносгожээ.

Мөн энэ оны есдүгээр сард Их Британид мутацид орсон халдвар бүртгэгдсэн. Уг вирус нь 70-75 хувь халдварлуулах чадвар өндөр. Тиймээс халдварын тархалт өндөр болох магадлалтай гэж үзэж байгаа юм байна.

Ковид-19 халдварын хувьд хүүхэд, залуучууд өвдөх нь бага байсан бол мутацид орсон халдвар хүүхдүүдийг их өвтгөж байна. Харин ахмад настай, суурь өвчтэй хүмүүс хүндэрч байгаа учраас амны хаалт сайн зүүх, хүн хоорондын зайгаа гэртээ ч гэсэн барьж байх, дархлааг нь дэмжих, гэртээ зочин урихгүй байх зайлшгүй шаардлагатай байгааг ЭМЯ-ны хэлтсийн дарга Д.Нарангэрэл онцоллоо.

Б.Лхам