Хотын даргын орлогч нийтийн тээврээр бэлэн мөнгөөр зорчихгүй. Бэлэн мөнгийг жолооч авсан тохиолдолд хариуцлагын асуудлыг ярина хэмээн мэдэгдсэн. Гэвч карт цэнэглэх төвийн дийлэнх нь ажиллахгүй учраас иргэд бэлэн мөнгөөр зорчихоос аргагүйд хүрч байна.
Угтаа бол, бэлэн мөнгө нь автобусны жолооч нарын халаасанд ордог тул энэ байдлыг үгүй хийхийн тулд дээрх шийдвэрийг гаргасан ч эргээд нийтийн тээврийг алдагдалд оруулж эхлээд байна. Учир нь, хүмүүс далимдуулан үнэгүй зорчих сонирхол нэмэгджээ. 10 хүний гурав нь төлбөрөө төлж, үлдсэн нь карт цэнэглэх төв ажиллахгүй байна гэдгээр шалтаглаж эхэлсэн аж.
Нийслэлд карт цэнэглэх 1100 цэг байдгаас 400 нь л өнөөдөр ажиллаж байна. Гэвч энэ нь хүртээмжтэй бус байгаа аж. Эрэлт нь бий ч хэрэгцээг нь хангахгүй байгаагаас, мөн картыг цахимаар цэнэглэдгийг хүмүүс тэр бүр мэддэггүйгээс ийнхүү гацаанд оржээ.
У.Тэргэл
