Сайжруулсан түлш муужруулсан түлш боллоо гэх. Учир нь, нийслэлчүүд сүүлийн үед юу нь мэдэгдэхгүй бодисоор амьсгалаад удлаа. Хэдийгээр утаа нүдний өмнө илт буурсан ч хорт чанар нь ихсээд байна уу гэх хардлага хэн бүхэнд мэдрэгдсэн, хэвлэлийнхэн ч мэдээлээд эхэлсэн. Албаныхан хорт бодисын хэмжээ багахан ихэссэн.

Энэ нь агаарын тогтмол урсгалтай дээр нь цаг агаар хүйтэрснээс галлагаа нэмэгдсэнтэй холбоотой хэмээн тайлбарлаж байгаа. Гэвч утаа хүний эрүүл мэндэд хэрхэн нөлөөлдөг вэ. Үүнийг, утаа хэмжигч чанарын үзүүлэлтээр тодорхойлдог. Тухайлбал, агаар дахь хорт бодисыг 50-500 хэмжээсээр хэмждэг ба өнөөгийн нийслэлийнх 500 давсан гэж гардаг. Тодруулбал, 50 бол цэвэр агаар харин 500 хүрвэл ямар эрсдэлтэйг харуулж байна гэсэн үг юм.

Нийслэлчүүд үдшийн бүрийд хоолой хорсгосон тийм нэгэн эхүүн үнэрийг мэдрээд удаж буй. Харин гэр хорооллынхон худалдаалж буй сайжруулсан түлш шаталт муугийн дээр ямар нь мэдэгдэхгүй эхүүн үнэртэй болсныг хэлж байна. Өнгөн дээрээ утаа илт багассан ч цаана нь хорт бодисын хэмжээ төсөөлшгүйгээр ихэссэн  нь сайжруулсан түлш бус муужруулсан болоод байгаа бус уу.

У.Тэргэл