Гэр хорооллын нэг айл өрхөд долоо хоногтоо зургаан шуудай сайжруулсан түлш олгож буй. Гэтэл сүүлийн үед түлшний хэрэгцээ нэмэгдэж, төлөвлөсөн айл өрхдөө хүрэлцэхгүй байгаа учраас холбогдох газраас хяналт, шалгалт хийжээ. Шалгалтаар нэг өрх нэг карттай байх ёстой.

Гэтэл зарим нь 2-3-тай байж, бүртгэлгүй 100 мянган карт гарсан байна. Тиймээс л айл өрхийн түлшний хэрэглээ хүрэлцэхгүй болж ирж, иргэд гомдоллох болсон байна. Тиймээс сайжруулсан түлш худалдаалах цэгт иргэд нэг удаа иргэний үнэмлэхээ авч ирж бүртгүүлэх бөгөөд ингэснээр илүү карттай айл өрх, аж ахуйн нэгжийг илрүүлэх боломжтой болох юм байна. Нэг тонн сайжруулсан түлш 150 мянган төгрөг.

Харин аж ахуйн нэгжүүд хэдэн тонноор нь худалдан авч, түлшийг хөдөө рүү ихээр зөөх болсон байна. Энэ бүхнийг цэгцлэхийн тулд, мөн зохиомол хомсдол үүсэхээс сэргийлж нэг удаагийн өргөн хүрээний шалгалтыг явуулснаар дээр зөрчлийг илрүүлжээ.

Мөн хэрэглэгчид долоо хоногт зургаан шуудай хүрэлцэхгүй байна. Найм болгож өгөөч гэдэг хүсэлтийг “Тавантолгой түлш” компанийнханд тавьсан байна.

У.Тэргэл