Эрүүл мэндийн яамнаас цаг үеийн асуудлаар мэдээлэл хийж байна.

Эрүүл мэндийн сайд Т.Мөнхсайхан "Коронавирусний цар тахлын нөхцөл байдал хэрхэн, яаж өөрчлөгдөх нь тодорхойгүй байна. Хөл хориог сунгах эсэх нь одоогоор тодорхойгүй байна. Гэхдээ маргааш 13 салбарын нэгдсэн хуралдаан болж, эрсдлийн үнэлгээг хийнэ. Ер нь хөл хорионы хугацааг сунгах магадлал өндөр байна" гэлээ.

Мөн тэрбээр "Улаанбаатар хотод тэг зогсолт хийх хэмжээнд хүрээгүй бөгөөд нийслэлчүүдийг нэг бүрчлэн шинжилгээнд хамруулах боломжгүй. Гарах үр дүн нь сайн биш гэж үзэж байгаа. Ер нь бидний авч хэрэгжүүлж буй ажил үр дүнгээ өгч байна гэж харж байгаа. Тиймээс ч халдвар гарсан орон нутгийн халдвар хумигдсан. Улаанбаатар хотын хувьд шинээр олон нийтийн дундаас халдвар гарч байгаа учраас иргэд халдвар хамгааллын дэглэмээ баримтлах нь чухал байна. Хүн бүр амны хаалтаа зүүж, хүн хоорондын зайгаа баримталж чадвал коронавирусний цар тахлыг хохирол багатай даван туулах боломжтой юм" гэв. 

Б.Баатар