БНСУ-д байгаа монгол иргэдээ тусгай үүргийн нислэгээр авчрах төлөвлөгөөтэй байсан ч дотоодод халдварын голомт олноор үүссэн тул УОК-оос нислэгийг цуцалж, тодорхойгүй хугацаагаар хойшлуулсан билээ. Үүнтэй холбоотойгоор тус улсад байгаа 40 гаруй монгол иргэн гудамжинд гарлаа хэмээн эсэргүүцлээ илэрхийлэн шаардлага ирүүлж байсан билээ. Харин тэд өнөөдрөөс өлсгөлөн зарлаад эхэлсэн байна.  40 гаруй монгол иргэний дунд 55 настай хоёр хүн байгаа ба тэдний нэгийнх нь бие муудаж, эмнэлгийн тусламж авчээ. Монгол иргэд тусгай үүргийн нислэг ирж авах хүртэл өлсгөлөнгөө үргэлжлүүлнэ, зогсоохгүй. Угаасаа цагаан будаа, кимчи өдөр бүр идэж, хагас өлсгөлөнгийн байдалтай байгаа хэмээн мэдэгдээд байна.

У.Тэргэл