Жүжигчин А.Ганчимэг төрийн байгууллагад ажилладаг дүүгийнхээ автомашинтай замын хөдөлгөөнд оролцсон талаарх мэдээлэл шүүмжлэл дагуулаад байгаа билээ. Энэ талаар жүжигчин бүсгүй тайлбар хийсэн талаар бид өмнө нь мэдээлсэн билээ.

Тэгвэл төрийн байгууллагад олгосон QR кодоо бусдад ашиглуулсан ажилтанд хариуцлага тооцно гэдгийг Харилцаа холбоо технологийн газраас мэдээллээ. Тодотговол, "Хатуу хөл хорио тогтоож, Бүх нийтийн бэлэн байдлын зэрэгт шилжээд буй энэ цагт Харилцаа холбоо, мэдээллийн технологийн газар салбарын үйл ажиллагааг тасалдуулахгүйн тулд Шуурхай штаб байгуулан ажиллаж байгаа бөгөөд агентлаг дээр ажиллах нэн шаардлагатай албан хаагчдын автомашинд QR код олгосон билээ.

Харамсалтай нь жүжигчин А.Ганчимэгийн төрсөн дүү А.Батмандах нь өөр дээрээ авсан QR кодоо бусдад ашиглуулсан зөрчил гаргасан тул байгууллагын зүгээс тус ажилтанд хариуцлага тооцох болно гэдгийг албан ёсоор мэдэгдэж байна.

Жүжигчин А.Ганчимэгийн төрсөн дүү А.Батмандах нь тус газрын Захиргаа удирдлагын газрын мэргэжилтнээр ажилладаг бөгөөд Бүх нийтийн бэлэн байдлын зэрэг шилжээд буй энэ үед гамшгийн асуудлыг хариуцан ажиллаж байгаа билээ. Харилцаа холбоо, мэдээллийн технологийн газар" гэжээ. 

Б.Баатар