Баянгол дүүргийн Y, YI хорооны тодорхой байршилд хязгаарлалтын дэглэм хэсэгчлэн тогтоож тандалт, илрүүлгийн шинжилгээг нэгдүгээр сарын 8-9-ны өдрүүдэд  зохион байгуулж байна. Явуулын 50 баг нийт 300 хүний бүрэлдэхүүнтэйгээр  байр тус бүрээр очиж PCR шинжилгээг авах тул иргэн бүр шинжилгээндээ идэвхтэй хамрагдаж, иргэний үүргээ биелүүлэхийг уриалж байна.

Дээрх хоёр хорооны иргэдээс тандалт илрүүлгийн шинжилгээг хоёр хоногийн хугацаанд авч, хязгаарлалтын дэглэмийг цуцлах юм. Хязгаарлалт тогтоосон Y, YI хорооны нутаг дэвсгэрт үйл ажиллагаа явуулж буй хүнсний дэлгүүр, эмийн сан, эмнэлгийн үйлчилгээ хэвийн явах ба хязгаарлалтын бүсээс орох, гарах хөдөлгөөнийг л  хязгаарласан байна.

Хязгаарлалтын дэглэм хэсэгчлэн тогтоосон хороонд тандалт, илрүүлгийн шинжилгээ авч дууссаны дараа ариутгал, халдваргүйтгэлийг бүрэн хийх ба зөвлөгөө, шинжилгээтэй холбоотой мэдээллийг 1800-1222, 7012-3217 дугаараас лавлах боломжтой юм байна.

У.Тэргэл