Улаанбаатар хотод шалтгаан, эх үүсвэр нь тодорхойгүй олон халдвар илэрч байгаа. Үүнтэй холбоотойгоор голомтын хариу арга хэмжээг хэрхэн авч байгаа талаар Нийслэлийн Эрүүл мэндийн газрын дарга Л.Төмөрбаатар мэдээлэл өглөө. Тэрбээр "ХӨСҮТ-ийн зөвлөмжөөр Баянгол дүүрэгт өнөөдрөөс буюу нэгдүгээр сарын 8-ний 06 цагаас 11-ний өдрийн 06 цаг хүртэл хэсэгчлэн хязгаарлалт тогтоолоо.

Энэ хугацаанд тандалт, илрүүлгийн шинжилгээг өнөөдрөөс эхлэн хоёр хоног зохион байгуулна. Явуулын 50 баг нийт 300 хүний бүрэлдэхүүнтэйгээр байр тус бүрээр очиж PCR шинжилгээг авах тул иргэн бүр шинжилгээндээ идэвхтэй хамрагдаж, иргэний үүргээ биелүүлэхийг уриалж байна. 

Энэ хугацаанд эмнэлгийн үйлчилгээ авах иргэд хөдөлгөөнд оролцох боломжтой. Харин уг ажилтай холбоотойгоор бусаддүүргийн шинжилгээний цэгүүдийг цөөлж, Баянгол дүүргийн шинжилгээний ажлыг эрчимжүүлэх ажлыг нэмэгдүүлж байгаа гэдгийг иргэд ойлгохыг хүсч байна" гэв. 

Б.Баатар