“Маск продакшны жүжигчин МУГЖ М.Баярмагнайн автомашин QR код байхыг харсан хүмүүс олны танил гэдгээрээ арын хаалгаар авчихжээ хэмээн шүүмжилж байна.

Харин үүнд жүжигчин М.Баярмагнай тайлбар хийжээ. Тэрбээр “Миний хувьд багын найзтайгаа хамтран Эрүүл мэндийн салбарт эмнэлгийн тоног төхөөрөмж, дагалдах хэрэгсэл импортлох, ханган нийлүүлэх чиглэлээр “Med import Mongol” ХХК байгуулан ажилладаг.

Хатуу хөл хорионы үед тус компани хөдөө аймгууд болон Улаанбаатар хотын эмнэлгүүдэд хамгаалах хэрэгсэл, бусад шаардлагатай тоног төхөөрөмжийг хүргэхийн тулд автомашинууддаа QR код авсан. Миний хувьд хөдөө аймгуудад голдуу хүргэлт хийж байна.

Хүргэлт хийхийн хажуугаар хэрэгцээтэй газар боломжийнхоо хэрээр хандив, тусламж өгөөд л явж байна. Гэтэл зарим нь бүр барьж идлээ. Ядаж байхад барьж идэж байгаа нь дандаа эрчүүд” хэмээжээ.

У.Тэргэл