Маргаашаас эхлэн нийслэлд тогтоосон бүх нийтийн бэлэн байдлын зэрэглэлийг бууруулж бүх нийтийн өндөржүүлсэн бэлэн байдалд шилжүүлж байгаатай холбогдуулан Эрүүл мэндийн сайд Т.Мөнхсайхан цаг үеийн байдлаар мэдээлсэн.

Энэ үеэр дэлхийд тэргүүлэх гурван гол вакциныг Монгол Улсад хэрэглэхээр эмийн бүртгэлд бүртгэсэн тухай онцоллоо. Тодруулбал, ДЭМБ-аас өнгөрсөн оны арванхоёрдугаар сарын 31-ний өдөр Pfizer компанийн үйлдвэрлэсэн вакциныг түргэвчилсэн байдлаар бүртгэжээ.

Манай улсын хувьд вакциныг түргэвчилсэн байдлаар бүртгэх журмаа боловсруулж, энэ долоо хоногт баталжээ.

Энэ хүрээнд Pfizer, Moderna, AstraZeneca зэрэг компанийн үйлдвэрлэсэн вакциныг Монгол Улсын эмийн үйлдвэрт өнөөдөр бүртгэжээ. Ингэснээр иргэдээ вакцинжуулах ажил нэг шатаар ахиж, хурдан хугацаанд оруулж ирэхээр ажилаж байгаа гэлээ.