ТЕГ-ын нэр бүхий албан тушаалтнууд НӨАТ-ын системийг ашиглан өөрсдөдөө сугалаа тохируулсан гэх мэдээлэл цахим хуудсаар байнга явдаг. Тэгвэл уг асуудлаар ШӨХТГ шалгалт явуулахаар болжээ.

Энэ талаар тус газрын дарга Б.Бат-Эрдэнэ "НӨАТ-ын сугалаатай холбоотой хардалт сэрдэлт үргэлжилсээр байна. Үнэхээр НӨАТ IT ажилтан өөрийн мэдээлэлд ойрыг ашиглан их хэмжээний мөнгө хожих боломжтой юу, сугалаа шударга байдаг уу. Үүнийг Шударга өрсөлдөөн, хэрэглэгчийн төлөө газар -аас шалгана.

НӨАТ сугалаатай холбоотой иймэрхүү мэдээлэл олон жил явж байна. Маргааш бид Цагдаагийн ерөнхий газрын Кибер гэмт хэрэгтэй тэмцэх албанд хамтран шалгах хүсэлтийг гаргах бөгөөд хөндлөнгөөс Авлигын эсрэг "Транспэрэнси Интернэшнл Монгол"-ыг оролцуулан хяналт шалгалтыг хийхээр төлөвлөж байна" гэжээ.