Үндэсний Их баяр наадмын тухай хуулийн наймдугаар зүйлийн 8.3, 8.6 дэх зүйлд заасны дагуу Монгол Улсын алдарт, манлай, тод манлай уяач цолны болзол хангасан уяачдын материалыг өнөөдрөөс энэ сарын 25-ныг хүртэл ММСУХ-ны ажлын албанд хүлээн авч эхэлжээ.

Цолны материал ирүүлэх иргэдийг улсын цол хүртэх, одон медалиар шагнуулах анкет, улсын баяр наадмын болон Засгийн газрын шийдвэрээр хийж байгаа шигшмэл, бүсийн уралдааны хурдан морины уралдаанд хурдан морь нь ямар амжилт гаргасныг он цагийн дарааллаар жагсаан бичнэ.

Мөн түрүүлж, айрагдсан морьдынхоо өргөмжлөлийг нотариатаар батлуулах шаардлагатай юм байна.

У.Тэргэл