Архангай аймгийн онцгой комисс хуралдаж, дараах шийдвэрийг гаргажээ. Энэхүү шийдвэрийн дагуу зочид буудал, фитнесс, цанын баазын үйл ажиллагааг өнөөдрөөс буюу нэгдүгээр сарын 12-ны өдрөөс халдвар хамгааллын тусгай шаардлагын дагуу нээж, аймгийн хэмжээнд архи, согтууруулах ундаа худалдан борлуулах түүгээр үйлчлэхийг 10:00 - 20:00 цаг хүртэл байхаар зохицуулжээ. 

Харин дараах байгууллагын үйл ажиллагааг хориглосон хэвээр байх аж. Үүнд,

-Өргөтгөсөн хурал, цуглаан

-Урлаг, соёлын арга хэмжээ

-Бүх төрлийн спортын тэмцээн, уралдаан

-Сургуулийн спорт заал

-Бариа засал, гоо сайхны газар

-Алжаал тайлах төв, амралтын газрууд

-5-аас дээш хүнтэй танхимын сургалтыг тодорхойгүй хугацаагаар хориглоод байгаа аж.

У.Тэргэл