Шударга өрсөлдөөн, хэрэглэгчийн төлөө газрын дарга Б.Бат-Эрдэнэ мах ачиж яваа тэргэнцэрийг шалгана гэдгээ мэдэгдэв. Тэрбээр "Мах ачиж яваа тэргэнцэрийг шалгана. Ямар их бохирдол илрэх болдоо. Гишгинэ, газар хаяна, өвөл зунгүй тоос шороон дунд өнхөрнө, золбин нохой ч долоож байсан тухай ам дамжин ярих. Харахад ч аймаар. Захууд зөвхөн түрээслэгч баймааргүй байна. Тэд стандарттай, эрүүл ахуйн мөрдөх дүрэм журамтай, түүнийгээ ягштал мөрдүүлдэг, хяналтын багтай баймаар байна. Зүгээр л үл хөдлөхийн түрээс хэлбэрээр бүхий л хариуцлагаас зугтаж бид түрээсэлдэг бусад нь тэдний асуудал гэж хаямааргүй байна. Болохгүй бол тусгай зөвшөөрлийг цуцлуулах саналаа холбогдох байгууллагуудад гаргана. Шударга өрсөлдөөн, хэрэглэгчийн төлөө газар" хэмээсэн байна. 

Б.Баатар