Өнөөдрөөс буюу нэгдүгээр сарын 18-ны өдрөөс зарим төрлийн барааны худалдаа, үйлчилгээний тодорхой чиглэлүүдийг халдвар хамгааллын дэглэм, шаардлагуудыг мөрдүүлэн нээхээр болсон.
Үүнд, цахилгаан бараа, тавилга, гар утасны төвлөрсөн худалдаа, түргэн үйлчилгээний цэг, цанын баазын үйлчилгээ зэрэг багтаж байна. Мөн иргэдийн агаарт гарах, ууланд алхах зэргээр дархлаа, эрүүл мэндэд чиглэсэн үйлдлийг дэмжих хүрээнд зарим цэгүүд, зогсоолуудын үйл ажиллагааг эргэн хэвийн горимд шилжүүлэх юм.
Дараагийн ээлжинд нөхцөл байдлаас хамаарч үлдсэн бүх төрлийн барааны худалдааг нээхээр төлөвлөсөн аж.
Харин дараах салбарын үйл ажиллагааг энэ удаад нээхгүй байхаар шийдвэрлэсэн юм.
| № |
Үйл ажиллагааг нь хязгаарлах салбар, чиглэл |
|
| 1. |
Хүнсний болон ахуйн хэрэглээнээс бусад барааны худалдаа /бүх төрлийн хувцас, гэр ахуйн бараа, бөс бараа, гоо сайхны бараа, тоглоом/ |
|
| 2. |
Олон нийтийг хамарсан хурал, жагсаал, цуглаан, аялал зугаалга, тэмцээн уралдаан, хурим найр, цайллага, хүлээн авалт |
|
| 3. |
Бүх төрлийн баар |
|
| 4. |
Өргөтгөсөн болон үзэсгэлэн худалдаа |
|
| 5. |
Цахим болон бүх төрлийн тоглоомын үйлчилгээ |
|
| 6. |
Спортын арга хэмжээ /заал, фитнес, бүжиг, иогийн клуб/ |
|
| 7. |
Саун, бассейн |
|
| 8. |
Шашны зан үйл /гандан, сүм хийд, мөргөлийн газрууд/ |
|
| 9. |
Урлаг соёл, үзвэр үйлчилгээ |
|
| 10. |
Үсчин, гоо сайхан, хумс засал |
|
| 11. |
Бариа засал, массажны газар, алжаал тайлах төв |
|
| 12. |
Амралт, жуулчны бааз, зочид буудал, дэн буудал |
|
| 13. |
Нийтийн халуун ус |
|
| 14. |
5-аас дээш хүнтэй танхимын болон үйлдвэрлэлийн сургалт |
