Монголын барилгын салбарт байнга л муу нэр зүүж, хэл аманд өртөж явдаг нь "Эко констракшн" юм.  Тус компанийн захирал С.Нямдаваа Улаанбаатарын А зэрэглэлийн бүсэд барилга, орон сууц барих зөвшөөрлийг авч дөнгөдөг ч орон сууц нь шаардлага хангадаггүй, эсвэл барилга дээр нь ажиллаж буй ажилтнуудынхаа аюулгүй байдлыг хангаагүйгээс унаж бэртсэн, бүр амь насаа алдсан талаарх гомдол байсхийгээд л гардаг. Хохирсон олон хүн хууль, шүүхийн байгууллагад ханддаг ч иргэдийн талд шийдсэн нь ховор. Тиймдээ ч С.Нямдаваа захирлыг хууль, шүүхийн байгууллагад “нөлөөтэй” нэгэн гэгддэг.

Харин энэ удаад ч “Эко констракшн” компанийн захирал С.Нямдавааг Хан-Уул дүүргийн шүүхээс шүүх нь. Учир нь, тус дүүргийн прокуророос түүнийг Хөдөлмөрийн тухай хуульд заасны дагуу ажилтнуудынхаа аюулгүй байдлыг хангаагүй үндэслэлэээр яллагдагчаар татан, тогтоолыг танилцуулахаар болсон байна. Ингэснээр хэргийг шүүх рүү шилжүүлж, гомдлыг хэлэлцэх юм.

У.Тэргэл