Нийслэлийн Өргөө амаржих газар буюу нэгдүгээр төрөх эмнэлэгт амаржсан эхээс коронавирусний халдвар илэрч, тус эмэгтэйг ХӨСҮТ-рүү шилжүүлэхдээ эмнэлэгт өмсөж байсан нимгэн халад, гэрийн шаахайтай авч гарч буй элэг эмтлэм бичлэг олон нийтэд ил болсон юм. 

Тэгвэл эл үйл явдлыг "Үнэн ба зөв" намын дарга А.Отгонбаатар эсэргүүцэж халад, гэрийн шаахайтай төв талбай дээр үзэл бодлоо илэрхийлж байна. Тэрбээр "Дөнгөж төрсөн эмэгтэйг нимгэн хувцастай авч гарсан нь үнэхээр харгислал. УОК өвчтөнг зөөвөрлөх журмыг боловсруулж, түүнийг дагаж мөрдөх ёстой. Гэтэл УОК ямар ч журам гаргаагүй байж, жирийн алба хаагчдыг ажлаас нь халах тухай яриад сууж байна. Засгийн газар эл үйлдэлдээ анхаарал хандуулж, УОК-ийг огцруулж, Хүний эрхийн комисс хариуцлага хүлээх ёстой. Ардчилсан нийгэмд ийм хариуцлагагүй үйлдэл гаргаж, хүний эрхийг уландаа гишгэж байгаад эсэргүүцэж байна. Я.Содбаатар уучлалт гуйлаа. Энэ нь хийсэн үйлдэлдээ гэмшиж, уучлалт гуйгаагүй. Албан тушаалдаа үлдэхийн тулд уучлалт гуйлаа. Үүнд хариуцлага хүлээх ёстой. Үнэндээ тэр эмэгтэй сайдын охин, бэр, эхнэр байсан бол хэзээ ч тийм байдалтай авч явж гарахгүй байх байсан. Харин жирийн ардын хүүхэд болохоор л ингэж хандаж байна" гэлээ. 

Тэрбээр эцэргүүцлээ үргэлжүүлэн иргэдийн дуу хоолой болж төв талбай дээр суулт зарлана гэдгээ ч мөн мэдэгдсэн юм. 

Б.Баатар