Иргэд IY улирлын буюу аравдугаар сарын 1-нээс арванхоёрдугаар сарын 31-ны хооронд худалдан авалт хийсэн баримтаа ebarimt-аар бүртгүүлснээр НӨАТ буцаан олголтын урамшуулал авах боломж бүрдэнэ. Энэ удаад IY улирлын НӨАТ буцаан олголтыг өгөхөөр Татварын ерөнхий газар иргэдийн мэдээллийг хянаж, баталгаажуулж байгаа аж.

Өнгөрсөн оны I улиралд 869 000 иргэн 35,8 тэрбум

-II улиралд 901615 иргэн 38,2 тэрбум

-III улиралд 993469 иргэн 43,4 тэрбумыг урамшуулалд олгосон бол

IY улиралд 1 сая 18 мянган иргэн  ойролцоогоор 43,7 тэрбумыг олгох урьдчилсан дүн гарчээ.

Татварын ерөнхий газар нэгдүгээр сарын 23-ны дотор иргэдийн мэдээллийг Сангийн яаманд хүргүүлнэ. Сангийн яам ажлын 20 хоногт багтаан  байршуулж, ажлын тав хоногт харьяа банкны данс руу  нь хуваарилах юм байна. Энэ мэт цаг хугацааг тооцон хоёрдугаар сарын сүүлчээр НӨАТ-ын мөнгийг иргэдийн данс руу шилжүүлэх юм байна.

У.Тэргэл