Өнгөрсөн 24 цагийн хугацаанд 32 хүнээс коронавирус илэрсэн талаар ЭМЯ-наас мэдээлсэн. Тодруулбал, Баянгол дүүргийн зургадугаар бичил хорооллын 19 дүгээр байрны нэг орцны 13 хүнээс коронавирус илэрсэн байна. Тухайн орцонд өмнө нь батлагдсан хоёр ч тохиолдол амьдарч байсан аж. Эдгээр батлагдсан тохиолдлын нэг хүн нь ЭХЭМҮТ-д ажилладаг байжээ. Тиймээс хавьтал болсон 900 гаруй хүнийг шинжилгээнд хамруулж, өвчтөнүүдийг эрэмблэн ангилжээ. 

Мөн "Монос" эмийн сангийн голомтын болон завсар хийж байсан зэрэг хүмүүсийн гэр бүлийн хавьталаас халдвар илэрсэн байна. Тодотговол тус голомтын нэг хавьтал нь Нэгдүгээр амаржих газарт амаржсан эх байжээ. Тиймээс тус амаржих газрын эмч болон эхчүүд зэрэг 357 хүнийг шинжилгээнд хамруулахад урьдчилсан байдлаар халдвар илэрээгүй байна. Тус эмнэлэгт үйлчлүүлсэн таван эхээс халдвар илэрээд байгаа юм. Түүнчлэн БЗД-ийн ТҮК-ийн зургаан ажилтнаас халдвар илэрсэн бол бүртгэгдсэн тохиолдлын хавьтал болсон нэг хүн АТГ-т ажилладаг байсан байна. 

Р.Алтан