Боловсрол, шинжлэх ухааны яам 2020-2021 оны хичээлийн жилийн  хоёрдугаар улирлын хичээл, сургалтын үйл ажиллагааг хоёрдугаар сарын 1-нээс зайны сургалт буюу цахим, теле хичээлийн хэлбэрээр явуулахаар болжээ.

БШУЯ-ны Бага, дунд боловсролын газрын дарга Т.Ням-Очир энэ талаар  "Өвөлжилтийн их эрсдэлтэй 11 аймаг, түүн дотроо эрсдэлтэй 152 сум байна. Үүнд 11 мянга гаруй өрх отроор өвөлжиж байгаа. Эдгээрт цэцэрлэг, сургуулийн насны 20 гаруй мянган хүүхэд бий. Танхимын сургалт эхэллээ гэхэд Цагаан сарын бүх нийтийн урт амралт удахгүй эхэлнэ. Тэгээд ч улсын хэмжээнд багш, эцэг эх, сурагчдаас танхимаар хичээллэх эсэх судалгааг авсан. Судалгаагаар, танхимаар эхлүүлэхийг 16 хувь, цар тахал гараагүй бүс нутагт 24 хувь нь дэмжсэн бол хязгаарлалттайгаар хичээл эхлүүлэхийг 20 хувь гээд нийт 35 хувь нь дэмжиж, 45 хувь нь эргэлзээтэй гэсэн. Тиймээс БШУЯ-наас хоёрдугаар улирлын хичээлийг хоёрдугаар сарын 1-нээс зайны сургалтаар эхлүүлээх болсон” гэв.

У.Тэргэл