Улсын Онцгой комиссын шийдвэрээр хоёрдугаар сард дөрвөн удаагийн нислэг үйлдэхээр болсон байна. Тодруулбал хоёрдугаар сарын 3-нд Өмнөд Солонгос, хоёрдугаар сарын 10-нд Япон, хоёрдугаар сарын 24-нд Турк, хоёрдугаар сарын 26-нд Өмнөд Солонгос улс руу нислэг үйлдэхээр болжээ.

Энэ талаар Гадаад харилцааны яамны Консулын газрын захирал Л.Мөнхтүшиг "Дөрвөн удаагийн тусгай нислэгээр нийтдээ 840 орчим иргэнийг татан авахаар төлөвлөж байна. Тусгаарлах байрны нөөц бололцоо, дотоодын халдварын нөхцөл байдлыг харгалзан үзэж хэрэв боломж бол Сөүл, Токиогийн чиглэлд нэмэлт хоёр нислэг үйлдэхээр төлөвлөж байна. Сөүл рүү үйлдэх тусгай үүргийн нислэгт өмнө нь тусгай үүргийн нислэгт хамрагдахаар бүртгэгдсэн боловч нь нислэг нь цуцлагдсан хүмүүс болон эрүүл мэндийн хүндэтгэн үзэх шалтгаантай иргэдийг түлхүү авна.

Харин Токиогийн хувьд үндсэн таван шаардлагыг хангасан хүмүүс, Европын орнуудад байгаа иргэд Туркийн Истанбул хотоор дамжин ирэхээр бүртгүүлсэн. Өнөөдрийн байдлаар 8625 иргэн гадаадаас нутаг буцахаар өргөдлөө өгөөд байна" гэв.

Р.Алтан