Эрүүл мэндийн яамнаас коронавирусний халдварын талаарх ээлжит мэдээллийг хийж байна. 

ХӨСҮТ-ийн Тандалт судлалын албаны дарга А.Амбасэлмаа "2021 оны нэгдүгээр сарын 27-нд ХӨСҮТ-ийн вирус судлалын лаборатори, ЗӨСҮТ-ийн вирус судлалын лаборатори, НЭМҮТ-ийн лаборатори, явуулын нийт 12885 хүнд PCR шинжилгээ хийхэд 18 хүнээс коронавирус илэрлээ.

Улаанбаатар хотод бүртгэгдсэн тохиолдлын ойрын болон дам хавьтлаас илэрсэн. Тухайлбал Х апартмент хороолол, Наркологийн төв эмнэлэг, Микс пиццаны голомтын хавьтлаас халдвар илэрсэн. Ингээд Улаанбаатар хотод нийт 877 тохиолдол бүртгэгдлээ. Харин орон нутагт халдвар бүртгэгдээгүй" гэлээ. 

Харин дотоодын халдвар 1203 болсон бол улсын хэмжээнд бүртгэгдсэн тохиолдол 1710 болсон байна. Үүнээс 1303 хүн эдгэрчээ. 

Б.Баатар