Улаанбаатар хотод идэвхтэй байгаа голомтын талаар мэдээлэл өглөө. Тодруулбал Баянзүрх дүүргийн наймдугаар хорооны Х апартмент хорооллын голомт идэвхтэй байгаа аж. Энэ голомтоос нийт найман хүн, Наркологийн төв эмнэлгийн голомтоос 7 хүн, Микс пиццаны голомтоос 6 хүн, Баянгол дүүргийн 12 дугаар хорооны 19 дүгээр байрны голомтоос халдвар бүртгэгдсэн байна. 

Тиймээс дээрх голомтуудыг хавьтлуудад шинжилгээ хийж байгаа аж. Тухайлбал Х апартментын батлагдсан тохиолдлын ойрын хавьтал NTV телевизэд ажилладаг тул тус телевизийн 94 хүнээс шилжилгээ авчээ. Мөн The Bull рестораны хавьтал мөн тэнд ажилладаг тул 40 хүнээс шинжилгээ авахад хариу сөрөг гарсан байна.

Хан-Уул дүүргийн 11 дүгээр хорооны Пис мираж хотхоны 209 дүгээр байранд коронавирусний халдвар гарсан учраас 80 хүнээс шинжилгээ авсан бөгөөд шинжилгээ тандалтын ажил үргэлжилж байгаа аж. Мөн Сүхбаатар дүүргийн 9 дүгээр хорооны Тэлмэн таурт халдвар гарсан учраас 119 хүнээс шинжилгээ авч, цааш үргэлжилж байгаа гэдгийг мэдээллээ.

Б.Баатар