Дархан-Уул аймгийн онцгой комиссоос үсчин, гоо сайхан, фитнесс, халуун ус, саун зэрэг зарим салбарын үйл ажиллагааг өнөөдрөөс эхлэн түр хязгаарлах шийдвэрийг гаргажээ. Хязгаарлалт хоёрдугаар сарын 4-ний өдөр хүртэл үргэлжлэх юм байна. 

Учир нь Улаанбаатар-Дархан-Уул аймаг чиглэлд хүнс тээвэр эрхэлдэг жолоочоос халдвар бүртгэгдсэн. Тухайн жолооч нэгдүгээр сарын 26-ны өдөр 18-20 цагийн үед "Тохь" нэртэй фитнессээр үйлчлүүлсэн байна. Тиймээс жолоочийн явсан маршрутыг тогтоон, хариу арга хэмжээг авч байгаа аж.