Сар шинийн баяр ойртож байгаатай холбоотойгоор мөнгөн аяганы эрэлт ихэсдэг.

Харин мөнгөн аяга урлаачид үүнийг далимдуулан ашиг орлого олохын тулд модон аягыг зэсээр бүрдэг, мөнгөн аяганы ёроолд хар тугалга цутгаж жинг нь нэмдэг, хөөс шахдаг байна. Өнөөдрийн байдлаар, мөнгөн эдлэлээр эд зүйл урладаг, худалдаалдаг 250 гаруй аж ахуйн нэгж үйл ажиллагаагаа явуулдаг. Харин эдгээрт  холбогдох байгууллагаас шалгалт хийхэд, мөнгөн аягыг хуурамчаар хийсэн тохиолдол олноор илэрчээ.

Тухайлбал, олны мэддэг “Мөнгөн завъяа” гэх 80 орчим дэлгүүр мөнгөн аяганы грамм, сорьцыг хуурамчаар үйлдсэнийг тогтоосон байна. Цагдаагийн  байгууллагаас  эл асуудлыг шалгаж эхэлсэн ба энэ төрлийн гомдол, саналаа ШӨХТГ, Стандарт хэмжил зүйн газарт гаргаж болох юм байна.

У.Тэргэл