Эрүүл мэндийн яамнаас коронавирусний халдварын талаарх ээлжит мэдээллийг хийж байна. 

ХӨСҮТ-ийн Тандалт судлалын албаны дарга А.Амбасэлмаа "2021 оны хоёрдугаар сарын 3-нд ХӨСҮТ-ийн вирус судлалын лаборатори, ЗӨСҮТ-ийн вирус судлалын лаборатори, НЭМҮТ-ийн лаборатори, явуулын нийт 16960 хүнд PCR шинжилгээ хийхэд 31 хүнээс коронавирус илэрлээ.

Улаанбаатар хотод бүртгэгдсэн тохиолдлын ойрын болон дам хавьтлаас илэрсэн. Мөн шинээр "Монгол Шир" ХХК-тай холбоотой халдвар бүртгэгдлээ. Тус газраас 18 хүнээс халдвар илэрсэн. Мөн Амгалан амаржих газарт мөн халдвар бүртгэгдлээ. Тус газарт хоёр халдвар илэрлээ. 

Ингээд Улаанбаатар хотод нийт 1054 тохиолдол бүртгэгдлээ. Харин орон нутагт халдвар бүртгэгдээгүй" гэлээ. 

Харин дотоодын халдвар 1380 болсон бол улсын хэмжээнд бүртгэгдсэн тохиолдол 1890 болсон байна. Үүнээс 1398 хүн эдгэрчээ. Зургаан хүн эдгэрч эмнэлгээс гарсан байна.

Б.Баатар