УОК-ын дарга, Шадар сайд С.Амарсайхан өгсөн мэдээлэлдээ “Орон нутаг руу явах иргэдийг хотоос гаргах ажлыг өнөөдрөөс эрчимжүүлж, зохион байгуулж эхлээд байна. Орон, нутаг руугаа явах иргэд PCR шинжилгээнд заавал хамрагдсан байх ёстой. Мөн хувийн автомашинаараа болон нийтийн тээврийн автобусаар алинаар нь ч явж болно. Харин иргэд замдаа зогсож, маршрут өөрчлөхгүй бөгөөд үүнд орон нутгийн постууд хяналт тавина” гэлээ.

Нийслэлээс орон нутагт очсон иргэдийг тухайн аймаг, сумын шуурхай штаб хүлээн авч гэрт нь тусгаарлах ба тодорхой хугацаанд гэртээ хөл хорих юм байна. 

Харин хөдөө, орон нутгаас эрүүл мэндийн шалтгаантай, ар гэрийн гачигдалтай, зайлшгүй ирэх албан ажилтай бол шинжилгээ өгөөд нийслэлд ирж болох ч ийш тийшээ дур зоргоороо явахгүй, маршрутын дагуу явж, ирнэ гэдгийг Шадар сайд хэллээ. Цаашлаад гадаад руу эмчлүүлэхээр юм уу зайлшгүй шаардлагаар яаралтай явах иргэдээ хуваарьт онгоц болон Алтанбулаг, Эрээний боомтоор гарахаар бол бүгдийг зохицуулж ажиллаж байна" гэлээ.

У.Тэргэл