“Эхийн алдар” одонтой ээжүүдийн тэтгэмжийг жилд нэг удаа, “Насны хишиг”-ийг Сар шинийн баяр, Үндэсний их баяр наадмаар 65 наснаас дээш ахмадуудад жилд хоёр удаа олгодог билээ. Харин эдгээр тэтгэмжийг авах гэж ахмадууд банкинд дугаарлан дараалал үүсгэдэг байсан. Харин ХНХЯ-наас ахмадуудын дансыг цахимжуулснаар тэтгэмжийн мөнгө иргэдийн данс руу шууд орохоор болж байна.

Улсын хэмжээнд насны хишиг авдаг 140 мянган ахмад настан, “Алдарт эхийн одон”-гийн тэтгэмж авдаг 220 мянга гаруй эх байдаг аж.  Ийнхүү хоёрдугаар сарын 9-ны буюу ирэх мягмар гарагт “Насны хишиг”, “Алдарт эхийн одон”гийн мөнгө иргэдийн данс руу орж эхлэх юм байна.   

У.Тэргэл