Эрүүл мэндийн яамны ээлжит хурлын үеэр цар тахал эдийн засгийн талаар эдийн засагч Л.Оюун мэдээлэл өглөө. 

Тэрбээр "Коронавирусний улмаас манай улсын эдийн засаг маш хүнд байна. Энэ хүнд байдал цаашид ч улам хүндрэх нь.

Учир нь өвчний тархалт өргөн хүрээтэй болж байгаа учир УОК цагаан сарын баярыг тэмдэглэхгүй байх шийдвэр гаргасан. Энэ хугацаанд хөл хориог жинхэнэ утгаар нь хөл хориог тогтоох шаардлага байна. Бид цагаан сарыг битгий тэмдэглэ гээгүй. Айл хэсэхгүй байгаач гэдгийг л хэлж байгаа юм. Бид санамсаргүйгээр бусад хүмүүст өвчин тархаах магадлалтай байдаг. Тиймээс хайртай дотны хүндээ халдвар тархаах магадлалтай учир битгий хийгээч гээд байгаа юм.

Ууц, тавгийн боовны худалдан авалтыг харахад цагаан сарыг тэмдэглэх өнгөтэй байна. Мөн иргэд хулгайн замаар зорчих зэрэг үйлдэл гаргаж байна. Энэ нь ч мөн эдийн засагт дарамт үүсгэх болоод байна. Энэ нь мөн өвчин хөдөө орон нутаг руу дахин тархах магадлал өндөр байна. ЭМЯ-наас өдөр бүр анхааруулаад байхад хүмүүсийн хандлага өөрчлөгдөхгүй байна.

Хамаатан садан, ах дүү, аав ээж, эрсдэлтэй бүлгүүдээ хайрлахгүй, коронавирусээс харамлахгүй байгаа бол очиж золгох байх. Тиймээс хатуухан хэлэхээс өөр арга алга. Хамаатан садан, ах дүү, аав ээж, эрсдэлтэй бүлгүүддээ хайрлахгүй, коронавирусээс харамлахгүй байгаа бол очиж золгох байх даа.

Ингэж л анхааруулахгүй бол байдал хүнд болох нь. Халдварыг тархаахгүй байх боломж 100 хувь байна. Энэ биднээс шалтгаална.

Ирэх тусгаарлалтын өдрүүдээр тэсчихвэл вакцин ирэх ойрхон байна" гэв.

Б.Баатар