Энэ сарын 11-ний өдрөөс эхлэн Улаанбаатар хотод 12 хоногийн хатуу хөл хорио тогтоох, энэ хугацаанд “Нэг өрх-нэг хүн” шинжилгээ авах ажиллагааг зохион байгуулах талаар УОК-оос чиглэл гарсан. Үүнтэй холбогдуулан үйл ажиллагааг хэрхэн зохион байгуулах талаар Хотын даргын НОК-ыг хуралдуулж үүрэг чиглэл өглөө.

Энэ үеэр Хотын дарга Д.Сумъяабазар “Цагаан сарын үеэр хэрэгжүүлэх гэж байгаа арга хэмжээ сүүлийн удаа шүү. Ахиж бид хөл хорио тогтоох боломж байхгүй. Энэ хугацаа цар тахлыг хумих бидний сүүлийн боломж.

Тиймээс богино хугацаанд хийж дуусгах ёстой.

Сонгинохайрхан дүүргээс шинжилгээг эхлүүлэх бол 72 цаг баръя. Энэ хугацаанд тэнд нэг ч хөдөлгөөн байхгүй. Тэг зогсолт хийнэ. Үүний дараа Хан-Уул дүүрэг рүү шилжлээ гэхэд мөн адилхан. Ийм л арга хэмжээ авах учраас төрийн алба хаагчдаа бүгдийг дайчилж, Улаанбаатар хот байж болох бүх нөөцөө дайчилъя” гэлээ.

А.Сүх