Гадаад харилцааны сайд Б.Батцэцэг гадаадад гацаад байгаа иргэдээ эх оронд нь авчрах асуудлыг эн тэргүүнд тавьж, ажлаа үүнээс эхэлжээ. 

Цар тахлын улмаас Монголдоо ирж чадахгүй, хүний нутагт хоол хүнс, орон оронгүй, мөн хүнд хагалгаанд орсон, жирэмсэн зэрэг нэн тэргүүнд анхаарал хандуулах олон иргэн бий.

Харин Б.Батцэцэг сайд  Монгол Улсын иргэдэд туслах сангийн зөвлөлиийн ээлжит хуралдааныг хийж, энэхүү асуудлыг эхнээс нь шийдвэрлэж эхэлжээ. Тэрбээр энэ тухайгаа “Цар тахлын улмаас хилийн чанадад санхүүгийн хүндрэлд орсон иргэдийг нутаг буцаах, тэдгээр иргэдийн тусгаарлах байрны зардлыг гаргах, хүнсний хомсдолд орж, хүндрэлтэй нөхцөлд байгаа Куба улсад суралцаж буй 19 оюутанд хүнс, ойрын хэрэглээний эд зүйлс олгох. Мөн яаралтай эмчилгээ хийлгэж буй иргэдийн эмчилгээний зардалд дэмжлэг үзүүлэх зорилгоор нийт 65 иргэний өргөдөл, хүсэлтийг хэлэлцэж, 75.1 сая төгрөгийг зарцуулах шийдвэр гаргалаа. Гадаадад гацсан Монгол хүн бүрийг эх нутагтаа авчирахын тулд бид өдөр бүр хичээнгүйлэн ажиллах болно” хэмээжээ.

У.Тэргэл