Нийслэлд хувь, хувьсгалын ажлаар ирээд гацсан орон нутгийн иргэдийг хүсэлтийнх нь дагуу буцаах хугацааг нэг хоногоор сунгажээ. Учир нь, дийлэнх иргэн PCR шинжилгээ өгсөн ч хожимдож гарч буй эсвэл хаана, хэрхэн өгөхөө мэдэхгүйгээс цаг алдаж буй тул товлосон хугацаанд амжихгүй болсон байна.

Тиймээс нэг хоногоор сунгаж, хатуу хөл хорионы өмнө иргэдийг нутагт нь буцаах ажлыг эрчимжүүлэхээр болсон байна. Тодруулбал, орон нутгийн иргэдийг буцаах ажил 2021 оны хоёрдугаар сарын 10-ны 00:00 цагт дуусгавар болох байсан.

Гэхдээ Улсын Онцгой комисс хуралдаж, энэ хугацааг сунган хоёрдугаар сарын 11-ний өглөөг хүртэл иргэдийг буцаах ажлыг үргэлжлүүлэхээр шийдвэрлэсэн байна. Иймд дүүргүүдийн пост хоёрдугаар сарын 10-ны өдөртөө багтан иргэдийг гаргах учиртай аж.

У.Тэргэл