АНУ-ын Ерөнхийлөгч асан Д.Трампыг гэм буруутай эсэхийг Сенатын гишүүд хоёр дахь өдрөө хэлэлцэж байна. Эхний өдөр шүүгчдэд Капитолийн ордон дотор болсон эмх замбараагүй байдал, эсэргүүцэгчид хэрхэн балмад авирлаж байгаа, харин хамгаалагчид улстөрчдийг аюулгүй газар хүргэхийг хичээж байгаа бичлэгийг үзүүлжээ. Асуудлыг анх гаргаж тавьсан АН-ынхан Д.Трампын тухайн үед жиргэж байсан жиргээ, уриалгыг мөн танилцуулжээ. Төлөөлөгч Стэйси Пласкетт “Д.Трамп үймээн дэгдээгчдийг байнга зоригжуулж, далдуур өдөөн турхирч байсан. Гэвч тэрбээр ордон дотор байсан хүмүүсийг үхвэл үхэг гээд орхисон. Тэр улс төрийн өндөр албан тушаалтнууд болон дэд Ерөнхийлөгчөө хүртэл аюул, эрсдэл дунд орхисон” хэмээн мэдэгджээ. Сенат дахь Бүгд найрамдах намын бүлгийн гишүүд одоо ч Д.Трампын талд зогссон хэвээр байгаа бол Ардчилсан намынхан Сенатын гишүүдийн бодлыг өөрчлөхөөр хичээж байна. 

У.Тэргэл