Засгийн газрын Хэвлэл мэдээлэл, олон нийттэй харилцах хэлтсээс “Ковид-19”-ийн эсрэг эхний ээлжийн вакциныг хадгалах, тээвэрлэх зориулалтын тоног төхөөрөмж бэлэн болсон гэсэн таатай мэдээллийг дуулгалаа. Энэ дагуу эхний удаад оруулж ирэх вакциныг эрсдэлт бүлэг болох эмнэлгийн ажилтнууд, онцгой,цагдаагийн алба хаагчид болоод өндөр настан, суурь өвчтэй хүмүүст тарих юм.

Манай улсад БНЭУ, БНХАУ, ОХУ улсаас коронавирусний эсрэг вакцин нийлүүлэх, хандивлах боломжтойгоо илэрхийлээд байгаа юм.

Мөн Худалдаа хөгжлийн банк 200 мянган харилцагчаа вакцинжуулалтад үнэ төлбөргүйгээр хамруулна. Төсөв хөрөнгийг банк даана гэх таатай мэдээллийг тус банкны гүйцэтгэх захирал О.Орхон Сар шинийн мэндчилгээнийхээ үеэр мэдэгдсэн билээ. 

У.Тэргэл