Нийлэлд бүх нийтийн бэлэн байдлын үед хэрэгжүүлж буй хязгаарлалтын арга хэмжээний талаар цагдаагийн хурандаа Ж.Амгалан “Улаанбаатарчууд хязгаарлалт, хэв журам сахиулж байгаа ажиллагааг дэмжин ажиллаж байгаад талархалтай хандаж байна. Өнөөдрийн байдлаар хөдөлгөөнийг хязгаарлах, авто тээврийн зорчих хөдөлгөөнийг бага байлгах нь нэн ач холбогдолтой гэдэг нь харагдаж байна.
Сүүлийн гурав хоногт нэлээд сайн судалгаа хийлээ. Энэ талаар удахгүй танилцууллаа.
Удахгүй хүнсний үйлдвэрүүд ажиллаж эхэлнэ. Бид хүнсний үйлдвэүүдтэй өмнө нь яриад тохирсон. Хүнсний түгээлтийн нэлээд машин бий. Мэдээж тасалж болохгүй. Зохион байгуулалтад ороод ажиллаж байгаа.
Хүнсний зургаагас дээш нэрийн дэлгүүрийн хүнсээ татах, хүргэх, түгээлт хийх ажлыг тусгай цагийн хуаариар явуулна. Хэрэв энэ талаар мэдээлэл аваагүй бол Улаанбаатар хотын Захирагчийн албатай яаралтай холбогдоорой.
Мөн төрийн алба хаагчдын 5 хүртэлх хувийг ажиллуулахаар зохион байгуулалтад оруулсан. Гэхдээ зарим байгууллага дотроо зохион байгуулалт хийгээгүйгээс автомашины хөдөлгөөн нэмэгдэх зэрэг асуудал үүссэн. Энэ асуудлыг өнөөдөр шийдвэрлүүлнэ. Түүнчлэн эмийн сангийн эм түгээлтийг хариуцсан байгууллага бий. Дотроо зохион байгуулалт хийхийг та бүхнээсээ хүсэж байна.
Иргэд автобусаар зорчих гэсэн оролдлого их байна. Хүнсний үйлдвэр, худалдааны байгууллагууд нэг зүйлийг ойлгох хэрэгтэй. Хэрэв халдвар гарвал хаагдах, нөгөө талаар орлогоор тасрах эрсдэлтэй учраас дор бүрнээ дэгээ сайн сахиж ажиллахыг хүсье” гэлээ.
А.Сүх
