"Тесо” гэдгээр олонд танигдсан өдгөөгийн УИХ-ын гишүүн О.Цогтгэрэлийн ойрын хамаарлын  хүн авлига өгч, авалцаж байгаад Авлигатай тэмцэх газрынханд газар дээрээ “гардуулсан” тухай яригдаж эхэллээ.

Энэ тухай хууль, хяналтын байгууллагынхан ихээхэн нууцалж байгаа гэх. Тодруулбал, эрхэм түшээгийн төрсөн ах “Тесо корпорац”-ийг үүсгэн байгуулагч О.Сайнжаргалын хүү Эрдэнэбаяр нь Жаргалантын аман дахь газартай холбоотой их хэмжээний авлигын мөнгийг Богдхан уулын Дархан цаазат газрын Хуулийн хэрэгжилт, хяналт шалгалт хариуцсан мэргэжилтэн Б.О-д өгч байгаад “гардуулжээ”.

Цаашлаад их хэмжээний авлига өгч, авалцахад Үндэсний хөгжлийн газрын даргаар томилогдоод удаагүй Х.Батжаргал гэгч эрхэм байсан гэнэ. Хууль хяналтынхан С.Эрдэнэбаяр, Б.О нарыг саатуулан шалгаж байгаа ба цагдан хорих хугацааг саяхан нэг сараар сунгасан байна. Энэ мэтчилэн УИХ-ын гишүүдийн ойрын хамаарал бүхий хүмүүс авлига, албан тушаалын хэрэгт холбогдох хэрэг тасрахгүй байгаагийн нэг жишээ нь энэ болж байна.   

У.Тэргэл