Үүрэн холбооны Үндэсний оператор "Юнител"-ын сүлжээ тасраад нэг цаг орчмын хугацаа өнгөрч, хэрэглэгчдийг бухимдуулаад байна. Тус компани сүлжээ тасрах талаар урьдчилан мэдээлээгүй бөгөөд саяхан доор мэдэгдэлийг гаргажээ. Мэдэгдэлд "2021 оны гуравдугаар сарын 2-ны өдөр үүрэн холбооны сүлжээнд гэмтэл гарч, 2G болон 4G сүлжээ доголдоод байна. Гэмтэлийг засахаар ажиллаж байгаа" талаар дурджээ.

Харин тус компанийн хэрэглэгчид "Ажлын цагаар сүлжээ тасарлаа. Юнивишин шигээ олон удаа асааж унтрааж, тэр ч бүү хэл сим картаа салгаж үзээд хийсэн ч сүлжээ орж ирсэнгүй. Алдаа гаргаж, сүлжээ тасалдаг ч мэдэгдэл төдий зүйл гаргасан болчихоод хэрэглэгч нараасаа албан ёсоор уучлалт гуйж, хохирол барагдуулдаггүй" болохыг хэлж, шүүмжилж байгаа юм. "Юнител" ХХК-ийн хэрэглэгчдийн сэтгэгдлээс хүргэж байна. 

Б.Баатар