Цахим сүлжээнд "Аав зарна" гэх зар тархаж, олны анхаарлыг татаад буй. Тэгвэл уг асуудлыг Эрүүгийн цагдаагийн албанаас шалгаж эхэлсэн гэдгийг ЦЕГ-ын Хэвлэл мэдээллийн төвийн дарга Б.Баатархүү мэдээлэв. Тэрбээр “Аав зарна” гэсэн зарын мөрөөр Цагдаагийн ерөнхий газрын Эрүүгийн цагдаагийн албанаас шалгалт хийж байгаа. 

Хүн худалдаалахтай тэмцэх тухай хуулийн 8 дугаар зүйлийн 1.3-д Хүн худалдаалах гэмт хэрэг үйлдэгдэхэд хүргэхүйц бүх төрлийн хэвлэл мэдээллийн хэрэгсэл, холбоо, цахим сүлжээ ашигласан ил буюу далд зар сурталчилгаа, мэдээлэл тараахыг хориглоно хэмээн заасан байдаг. Мөн Зар сурталчилгааны тухай хуулийн 6.5.7-д Айдас төрүүлэх, хүчирхийлэл, садар самуунд уруу татах, түүнчлэн хүний амь нас, эрүүл мэнд, аюулгүй байдалд гэм хор учруулах үйлдэл, үйл ажиллагаанд хүргэж болох зар сурталчилгааг хориглоно, 7.4.6-д Хүнлэг ёс, ёс суртахуун, Монгол хүний эрхэмлэн дээдэлдэг зан заншлын ёс горимыг зөрчсөн сурталчилгааг ёс суртахуунд үлд нийцсэнд тооцно хэмээн заасан байдаг" гэдгийг анхаарууллаа. 

Учир нь уг зар дээр "Тун удахгүй..." гэх бичиг байсан нь кино, контентын сурталчилгаа гэх таамаг төрүүлж байгаа боловч ийм байсан ч уг агуулгатай мэдээлэл тавьсан нь хууль бус үйлдэл аж.

Р.Алтан