Дуучин Т.Дэлгэрмөрөн "Архины эсрэг" тэмцэхээр болжээ. Тэрбээр "Архигүй Монгол" төслийг санаачлан, уг төсөлдөө Монгол Улсын Ерөнхий сайд Л.Оюун-Эрдэнийг хамтран ажиллаж, дэмжихийг хүссэн байна. Түүний хувьд амьдралдаа архи гэх хатуу ундааг хэрэглэж байсан ч "Архи нь хүний амьдралд хар толбо үлдээх идээ болохыг ухаарч" архинаас татгалзаж, гарсан байдаг. Тиймээс ч уг төслөө орон даяар хэрэгжүүлж, согтууруулах ундааны эрэлт хэрэгцээ, нийлүүлэлт, хатуулаг чанарт тавигдах хяналтыг сайжруулах, хүн амын согтууруулах ундааны хэрэглээг бууруулах, зохистой хэрэглээг төлөвшүүлэх, архидан согтуурснаас хүн амын эрүүл мэнд, нийгэмд учрах сөрөг үр дагаварыг багасгахыг зорьж буй аж.  

Ингэхдээ архины хамааралтай хүмүүсийг сургалт, эмчилгээнд хамруулах, тэдний хандлагыг өөрчилж, зөв амьдрах чиглэлээр лекц, ярилцлага зохион байгуулах, урлагаар дамжуулан соён гэгээрүүлэхээр төлөвлөж байгаа юм байна. 

Үүнийгээ ч Ерөнхий сайдад уламжилжээ. 

Б.Баатар