МҮХАҮТ-ын дэргэдэх олон улсын арбитрын Арбитрч Г.Хонгор цаг үеийн асуудлаар мэдээлэл хийлээ.

Тэрбээр “Оюутолгойн хөрөнгө оруулалтын гэрээ бол 2015 онд Дубайд Монголын засгийн газараас очин баримтжуулж, гарын үсгээ зурсан. Үүний үр дүнд 5.3 тэрбум ам.долларын хөрөнгө оруулалт дэлхимйн хөрөнгийн зах зээл дээрээс орж ирж санхүүжилт боссон.

5 жилийн дараа анхны төлөвлөгөө ёсоор уг төлөвлөгөө бодитой байсан бол 2020 оны эцэс гэхэд үр өгөөжөө өгөөд асуудал гарахгүй байсан. Гэтэл Рио-Тинто анхны зохиосон бизнесийн төлөвлөгөө, санхүүгийн хэмжээ нь шаардлага хангахгүй буюу хүрэлцэхгүй байна гэдэг асуудлыг тавьсан.

Санхүүжилтийн хэмжээ 1.5 тэрбум ам.доллараар дутагдсан талаар Рио-Тинто тодорхой хариулт өгч чаддаггүй.

Шалтгаан нь 34 хувийг эзэмшиж байгаа Монголын тал сул хяналт тавьсны улмаас энэ үйл ажиллагаа сөрөг байдалд хүргэсэн. Хоёрдугаарт, төр засгаас тодорхой санал, санаачилга гаргаж байгаа. Оюутолгойн далд уурхайн хөрөнгө оруулалтын гэрээг цуцлах эсэх асуудал хүчтэй яригдаж байна. Харин энэ нь Монголын талд ашигтай эсэхийг харахгүй байна. 

Гэрээ, хэлэлцээрийн энэ үед манай улс өөрийн гэсэн байр суурь гаргаж, зөв шийдэл гаргахгүй бол хожим хуулийн хариуцлагын хавханд орохоор байна. Учир нь өөрсдөө очиж гэрээ байгуулчихаад таван жилийн дараа гэрээгээ цуцална гэдэг Лондонгийн арбитрын шүүхэд унах нүхээ өөрсдөө малтаж байна гэсэн үг" гэлээ. 

А.Сүх