Шүлснээс коронавирусний халдвар илрүүлэх оношлуурыг монголчууд өөрсдөө бүтээн, хэрэглээнд нэвтрүүлэхэд ойрхон байгаа. Монгол эрдэмтдийн багийн бүтээсэн энэхүү оношлуурын урвал бодисуудыг гуравдугаар сарын 11-ний Токио-Улаанбаатар чиглэлийн онгоцоор авчирч байгаа аж.

Энэ дагуу удахгүй туршилтаар ашиглаад явах боломжтой болж, холбогдох байгууллагууд баталгаажуулснаар хэрэглээнд нэвтрүүлэх юм байна. Энэ нь одоогийн PCR шинжилгээ авч буй оношлуураас гурав дахин хямд өртгөөр буюу  35 мянган төгрөгөөр бүтэж байгаа аж.

Хамгийн гол нь шүлснээс авсан дээжийг 30 хоногт хадгалах, тээвэрлэх боломжтой бөгөөд нарийн горим шаардахгүйгээрээ онцлог аж. Мөн богино хугацаанд буюу 90 минутад шинжилгээний хариу гардгаараа давуу талтай юм.

Өдгөө иргэдээс хоёр, гуравдахь шинжилгээнээс халдвар илрэх нь олон байгаа. Харин шүлснээс дээж авснаар эхний шинжилгээгээр халдварыг илрүүлэх ба энэ нь цаг хугацаа, төсөв мөнгө хэмнэхээрээ ихээхэн давуу талтай юм байна. 

У.Тэргэл