Эрүүл мэндийн яам коронавирусний талаарх ээлжит мэдээллээ хийж байна. 

ХӨСҮТ-ийн дэд захирал Э.Тэмүүлэн "Сүүлийн 24 цагийн хугацаанд буюу 2021 оны гуравдугаар сарын 14-ны өдөр нийт 9410 хүнд ПСР шинжилгээ хийхэд 122 хүнээс халдвар илэрлээ. Эдгээрийн 118 тохиолдол нь Улаанбаатар хотод бүртгэгдсэн. Харин Завхан аймагт хоёр, Төв аймагт нэг тохиолдол бүртгэгдлээ. Мөн нэг тохиолдол зөөвөрлөгдсөн ирсэн. Нийт бүртгэгдсэн тохиолдолын 117 хүн нь ойрын хавьтлаас илэрсэн бол 5 хүний халдварын эх үүсвэрийг тогтоохоор ажиллаж байна" гэлээ.  

Монгол Улсад нийт батлагдсан тохиолдол 4083 боллоо. Харин 30 хүн эдгэрч эмнэлгээс гарчээ. Өнөөдрийн байдлаар нийт 900 хүн эмчлүүлж байна. Тэднээс 2 хүний биеийн байдал маш хүнд байна.

Тйимээс иргэд та бүхэн халдвар хамгааллын дэглэмээ баримталж, амны хаалтаа давхарлан зүүх, гараа халдваргүйжүүлэх, олон хүнтэй газраар явахгүй байх зэргээр өөрийгөө болон хайртай дотны хүмүүсээ хамгаалаарай.

Б.Баатар