“Бид уучлахгүй” хөдөлгөөний тэргүүн Б.Мөнхцэлмэг оффшор бүсийн асуудлаар мэдээлэл өглөө.

Тэрбээр “Манай хөдөлгөөн өнгөрсөн хоёрдугаар сарын 25-нд оффшор бүсэд данс эзэмшиж байгаа 18 хүнийг шалгуулахаар АТГ-д өгсөн. Өнөөдөр Монголын томоохон хулгайч нарын хоорондын зодоон болж байна.

Шууд хэлбэл, МАН, АН-ын хулгайчдын хоорондын зодоон болж байна.

Өшөө сайн зодолдоосой. С.Зоригс агсны амь насыг бүрэлгэсэн хэрэг байна. Сонгуулийн өмнө нь бичлэг нь задарлаа. Мөн өмгөөлөгч Б.Баасанцогт, шүүгчдийн асуудал байна. Бид энэ хууль бус асуудалтай тэмцэнэ. Эдгээр мэдээлэл дээрх хоёр намын зодоон дунд ил болж байна.

Өчигдөр Ерөнхийлөгч Х.Баттулга 10 оффшор данстай нь нийтэд ил боллоо. Яг л тэр Сү.Батболд, гишүүн Б.Дэлгэрсайхантай адил. Тиймээс АТГ-д шалгуулахаар өгсөн. Хэрэв АТГ ажлаа хийхгүй бол дээд шатны байгууллагад нь хандана.

МАН, АН бол шинэчлэл хийж чадахгүй шүү.

Хуучирсан хүмүүсээс шинэ зүйл уриалаад ямар ч нэмэргүй. Үе үеийн Ерөнхийлөгч нар шүүхийг шинэчилнэ, шударга ёсыг тогтооно гэсэн лоозонтой гарч ирдэг ч начир дээрээ өөр зүйл хийдэг. Бид энэ бүхэнтэй тэмцэх болно” гэлээ.

А.Сүх