Баянзүрх дүүргийн 26-р хороонд байрлах "Элизабет" хотхоны байрнаас хүн унаж амиа алдсан харамсалтай хэрэг өнөөдөр гарсан билээ. Тус хороонд үүссэн нөхцөл байдалтай холбоотойгоор Улсын Онцгой комиссын нарийн бичгийн дарга Ж.Амгалан, Эрүүл мэндийн яамны ахлах шинжээч Д.Нарангэрэл нар газар дээрээ нь очиж, иргэдтэй уулзлаа.  

Энэ үеэр иргэд "Манай хороонд хөл хорио тогтоосноос болж хүний амь нас эрсэдлээ. Цаашид ч хөл хориогоо сулруулахгүй бол иргэд амь насаа золиослохыг үгүйсгэхгүй. 26 дугаар хороонд ердөө 54 халдвар бүртгэгдсэн байна. Гэтэл 35 мянган хүний амьдралаар ингэж тоглож болохгүй. Хөл хориогоо сулруул" гэдгийг шаардав.

Харин  Улсын Онцгой комиссын нарийн бичгийн дарга Ж.Амгалан "Дархлаажуулалтын ажил хийгдэж байгаа. Хөл хориог сулруулах захирамжийг дүүргийн Засаг дарга гаргасан. Тиймээс одоо дүүргийн Засаг даргатай уулзаж, гаргасан захирамжаа цуцлах талаар ярилцах болно. Өнөөдөртөө багтааж захирамж гаргана. Та бүхэн одоо гэр гэртээ ороод халдвар хамгааллын дэглэмээ баримтлах хэрэгтэй. Бид та бүхнийг ойлгож, асуудлыг танилцахаар ирсэн. Бүгд тайван байх хэрэгтэй" гэсэн юм. 

Б.Баатар